《韓索羅:星球大戰外傳》未睇就話爛 我鄙視你

假如你被口碑嚴重兩極的Ep VIII《The Last Jedi》嚇怕,不用擔心,我敢講《Solo》有能力再次團結粉絲群,享受討論的樂趣,不會出現半年前的正反大大大辯論,反正這就是一部非常星戰的電影。說到這裡,你可能想反駁我。我認為,從來星戰就是充滿多樣性,電影外漫畫動畫描寫周邊的小人物賞金獵人個別白兵反抗軍部隊成員,一樣可以受歡迎,那為何以正傳英雄創作的一部前傳電影會在未上映便被鬧得體無完膚?

《死侍2》比上集有驚喜!更勝很多依靠浩蕩場面支撐的所謂大片

先講第一集,無特別喜歡,可能俾人煲得太大效果又唔到預期好,對續集期望一般。誰知道,《死侍2》有驚喜喎!路線明顯有調整,走正路英雄片套路再加入死侍特色風味,強化的故事發展至少合個人口味。
.
先插自己一刀,其實好多時那些悉心安排的笑話我根本笑唔出。這個問題自上集開始實在嚴重,感覺今集輕微減少好受多了,似乎創作者意識到大眾向比較重要。原因怪自己英文差,亦不完全明白參考背景,唯有這樣想。但又可以好按個人喜好批評,很多笑話出場實在太刻意了,並沒有好好融入劇情。當然你可以話這就是死侍風格死侍特色,嘴炮抽水就是一切,看看他瘋狂講話就滿足了,OK,fine,反正我就對這元素興趣一般般,還是著重流暢的故事多一點,《死侍2》明顯在該方面對比前作有所加強。

《低壓槽》意識流 你個頭

唔難理解張導的野心,照搬蝙蝠俠落他的電影,但實在抄到太出面要鬧要抦要恥笑,犯下我們鄙視強國無新意不重視原創複製概念的大錯。
.
電影畫面加上超強filter,睇到隻眼都乾埋。本來我對張家輝的長髮造型抱有好奇心幾新鮮,預告片的黑色風格亦少有於港產片出現,件事都感覺係『好認真』,但最後我發覺長期強濾鏡配低質CG真係好辛苦,只有好想盡快離開戲院。

《黃金花》暴走洗頭艇劇情係笑話,刻薄講句只有演員值得一提

劇情方面可以話係笑話,雖然刻薄,但真心。本來都覺得幾唔錯,雖然都係一般家庭悲慘,老豆頂唔順走佬,老母好慘一個人睇住個智障兒子,如果一路順著發展可能沒什麼問題。似乎導演編劇陳大利不甘於這樣平淡的劇情,決意創造觀眾預測不到的暴走格局。竟然在原先平實帶點楚楚可憐的調子裡,加入製造不在場證據坐洗頭艇偷渡返香港刺殺丈夫情婦的跳脫想法。然後,電影裡有1/3的時間,就是影著毛舜筠及凌文龍計劃測試坐船偷渡幻想掙扎,整個感覺完全被破壞了。所以你話電影走實感,我完全唔認同,本來可以有好闊的發揮,可惜白白浪費。

《挑戰者1號》盡顯大師風範,史匹堡證明自己不是思想封閉的老人家

〈挑戰者1號〉精彩,勁在我覺得好睇的地方好大可能跟你不一樣,導演史匹堡這次再度拍出一部內容如此豐富能照顧所有觀眾的電影。“合家歡”三個字在這個年代好似對電影來說有負面效果,配上這形容詞差不多等同話作品無深度無內涵睇完笑完就算,但要做到真正的合家歡又得人喜愛流傳後世絕對不易,而我們已經很久沒有看過這類佳作,可幸〈挑戰者1號〉打破悶局絕對係近年成功代表。一部電影包含幾多彩蛋其實未算最緊要,重要〈挑〉要畫面有畫面,要刺激有刺激,要警世有警世,要愛情有愛情,要意思有意思,有邊個會唔鍾意?

《紅海行動》大媽扯旗歡迎解放軍是常識…

呢套戲純粹賣技術,戰爭片動作其實拍得ok
林超賢係個香港導演,雖然話都靠向大陸一段時間
掌握到唔同大型戰爭場面係幾犀利,當然解放軍肯定幫好多
佢以前的電影我唔熟,近十年留意到《証人》《激戰》之類都算好高評價
但去到大陸主導的《破風》《湄公河行動》又係麻麻地
《逆戰》我有睇,當時完全唔明點解有人係咁讚
賣點係得謝霆鋒同周杰倫,係打到好勁
但講到約旦馬來西亞咁又出飛機坦克車大炮恐怖分子致命病毒我投入唔到
所謂母子情完全感動唔到我
學成龍話齋我呢啲思想完全係唔夠『國際性』不能『走出去』

《我的情敵女婿》我想讚葉念琛大導演

賀歲片這件事好玄,平時評審幾苛刻都會俾面用返低標準去睇,最可惜係近年這種電影真係爛到幫唔落。阿叔我早前搞過投票,九成觀眾首選《棟篤特工》,顯出《我的情敵女婿》完全唔入流。先利益申報,《我的情敵女婿》我係揸住換票證入場,即是唔免費都未必入場睇嗰種。但如果你逼我二揀一請我免費睇,我諗仍然選擇後者,傳統賀歲片始終有種情意結,而我亦不是子華神fans。葉念琛大導演應該最趕客吧,日日俾人笑佢MK活地阿倫。我諗我算幾有資格批評葉大導,因為本人未看過他曾幾何時最受歡迎的方力申鄧麗欣愛情系列,只看過兩年前的《十月初五的月光》。睇完我鬧到狗血淋頭,延續唔到經典都算,問題係真係拍得好難睇好核突。之但係,今次《我的情敵女婿》我想讚。

《戰雲密報》被特朗普指『名過其實』的梅姨大反擊

這部戲不用說,點講都係睇大卡士,梅麗史翠普+湯漢斯+史提芬史匹堡,只要不是拍得好差都會贏。當然電影就是拍得好看,不過未去到可以講話『劇力萬鈞不能錯過』。有時判斷一部電影好唔好睇,真係好睇時勢。假如電影出現的年代是管治極度自由開放,若故事內容警世但看似天方夜譚,當時未必吸引到人注意,但日後幾十年後回首隨時成為神作。倒轉如電影瘋狂側寫時弊,以另一個故事描述現今環境,有可能好吸引觀眾眼球,感覺到共鳴有人幫自己出了一啖氣。想起《十年》,很老實個人其實諗唔通成品整體過人之處,賣的是一個想法,得到了香港電影金像獎『最佳電影』。

《與神同行》中段拖戲無癮,結局情感大爆發先救到套戲

以上講的都係節奏控制不當,新鮮過後中段拖戲沉悶無癮,久久未能進入正題。足足七層地獄的設定明顯是個錯誤,所以大家可以見到尾段已經玩到冇得再玩盡量簡化甚至忽略。假如劇情中多加地獄使者的過去描寫(有,但不深刻),反而可使故事更豐富。去到電影尾段終於觸及到主題,孝子自省情感大爆發,講到尾其實都只是一個好簡單的道德親情小故事。當然,主角車太鉉一臉好人孝子的樣貌,細佬又咁唔好彩突然有意外,配合戲中母親楚楚可憐,真係幾感人都難怪大家眼濕濕。又其實,這樣的倫常慘劇一直都是韓國最拿手的一環,只是稍為披上動作特技包裝,《與神同行》贏得未算精彩。

《星球大戰:最後絕地武士》一般觀眾無包袱,比星戰粉絲更樂在其中都好合理

.
在歷史悠久的經典系列體驗之中,Fans與非fans的分歧可以話超級超級大。英雄漫畫粉絲通常傾向擁護品牌下的衍生作品,但星戰粉絲則會有極高要求鬧多過讚。最喜歡星戰的是他們,最恨星戰的都是他們,學愛子心切的慈母話齋:都係為你好。所以我率先在文初就話你聽,一般觀眾無疑更可以投入享受《最後絕地武士》帶來的樂趣,因為他們沒有任何包袱。而我們這些粉絲,看的時候當然有不少位置感到情緒激動,但完結總覺得缺少了一點以往使人滿足的感覺,故事畫面既熟悉又陌生,是那一陣星戰味不夠濃郁。